VPL: SIMBA MWENDO MDUNDO, YANGA YACHECHEMEA, MATOKEO, MSIMAMO NA WAFUNGAJI YAPO HAPA

SIMBA SC imejiweka sawa kwenye mbio za ubingwa wa Ligi Kuu ya Vodacom Tanzania Bara baada ya kuifunga Mgambo JKT mabao 5-1 jioni ya leo Uwanja wa Taifa, Dar es Salaam.

Ushindi huo unaifanya Simba SC ifikishe pointi 39 baada ya kucheza mechi 17, sasa ikiwa inazidiwa pointi moja tu na mabingwa watetezi, Yanga SC walio kileleni, wakifuatiwa na Azam FC yenye pointi 39 pia.

Mshambuliaji Mganda, Hamisi Kiiza ‘Diego’ aliifungia Simba SC bao la kwanza dakika ya tano akimalizia krosi ya mshambuliaji Ibrahim Hajib.

Kiiza akakosa penalti dakika ya 14 iliyookolewa na kipa Mudathir Khamis, kufuatia Henry Chacha kuunawa mpira kwenye boksi

Lakini Mwinyi Kazimoto akafunga bao la pili dakika ya 28 kwa shuti kali kutoka nje ya boksi baada ya kugongeana vizuri na Hajib.

Hajib akaenda kufunga mwenyewe bao la tatu dakika ya 42 baada ya kuwachambua mabeki watatu wa Mgambo na kipa wao Mudathir Khamis, kufuatia pasi ya Kazimoto.

Daniel Lyanga aliyetokea benchi kuchukua nafasi ya Hajib kipindi cha pili, aliifungia Simba SC bao la nne kwa shuti kali kutoka nje ya boksi baada ya pasi ya kiungo Said Ndemla.

Kiiza akahitimisha karamu ya mabao ya Simba SC kwa kufunga bao la tano dakika ya 82 akimalizia krosi ya Hassan Kessy, ambaye amecheza kwa kiwango cha juu leo.

Fuluzulu Maganga ‘akachafua gazeti’ kwa kuifungia Mgambo bao la kufutia machozi dakika ya 88 baada ya mabeki wa Simba SC kumuacha wakidhani ameotea.

Kikosi cha Simba SC kilikuwa; Vincent Angban, Kessy Ramadhani, Abdi Banda, Juuko Murshid, Hassan Isihaka, Justice Majabvi, Mwinyi Kazimoto, Jonas Mkude, Hamisi Kiiza, Ibrahim Hajib/Danny Lyanga dk72 na Hija Ugando/Said Ndemla dk62. 

Mgambo JKT; Mudathir Khamis, Bakari Mtama/Bolly Shaibu dk44, Salim Mlima, Salim Kipaga, Ramadhani Malima/Mussa Ngunda dk44, Henry Chacha, Sunday Magoja, Mohammed Samatta, Fully Maganga, Ally Nassor na Aziz Gilla. 

Kule Mbeya

YANGA SC imezidi kupoteza matumaini ya kutetea ubingwa wa Ligi Kuu ya Vodacom Tanzania Bara baada ya jioni ya leo kulazimishwa sare ya 2-2 na Prisons Uwanja wa Sokoine, Mbeya.

Matokeo hayo hayaiondoi kileleni Yanga SC ikifikisha pointi 40 baada ya kucheza mechi 17, mbele ya Azam FC na Simba SC wenye pointi 39 kila mmoja.

Lakini Azam FC wana viporo wawili, wakati Simba SC ndiyo wamecheza mechi 17 kama Yanga. 

Yanga SC walikuwa wa kwanza kupata bao dakika ya 35 kupitia kwa mshambuliaji wake Mrundi, Amissi Tambwe aliyefunga kichwa akimalizia krosi ya kiungo Mnyarwanda, Haruna Niyonzima.

Prisons wakasawazisha bao hilo kupitia kwa Jeremiah Juma Mgunda aliyefunga kwa kichwa pia dakika ya 40 akimalizia krosi ya Mohammed Mkopi.

Mkopi akaifungia Prisons bao la pili dakika ya 62 kwa kichwa pia akimalizia mpira wa adhabu uliopigwa na kiungo wa zamani wa Yanga SC, Juma Seif ‘Kijiko’.

Mfungaji bora wa Ligi Kuu msimu uliopita, Simon Msuva aliyetokea benchi kipindi cha pili kuchukua nafasi ya Deus Kaseke aliisawazishia Yanga kwa penalti dakika ya 84 baada ya beki Meshak Suleiman kuunawa mpira kwenye boksi.

Kikosi cha Yanga SC kilikuwa; Deo Munishi ‘Dida’, Juma Abdul, Oscar Joshua, Vincent Bossou, Mbuyu Twite, Said Juma ‘Makapu’/Salum Telela dk59, Deus Kaseke/Simon Msuva dk54, Haruna Niyonzima na Donald Ngoma, Amissi Tambwe na Issoufou Boubacar.

Prisons; Benno Kakolanya, Benjami Asukile, Laurian Mpalile, James Mwasota, Nurdin Chona, Jumanne Fadhil, Lambert Sadianka, Freddy Chudu/Juma Seif dk48, Mohammed Mkopi, Jeremiah Juma na Leonce Mutalemwa/Meshack Suleiman dk51. 

MATOKEO YOTE KWA UJUMLA

FT	T.PRISONS	2	:	2	YANGA
FT	SIMBA SC	5	:	1	MGAMBO JKT
FT	KAGERA SUGAR	2	:	1	MAJIMAJI
	JKT RUVU	0	:	0	MBEYA CITY
FT	AFRICAN SPORT	1	:	0	MWADUI FC
FT	MTIBWA SUGAR	2	:	2	TOTO AFRICANS

Orodha ya Wafungaji Bora Ligi Kuu Msimu Huu

Rn	Player Name	Timu	Goal
1	Amisi Tambwe	Yanga SC	14
2	Hamisi Kiiza	Simba SC	14
3	Jerema Juma	T.Prisons	10
4	Donald Ngoma	Yanga SC	9
5	Elias Maguli	Stand United	9
6	Ibrahim Ajibu	Simba SC	7
7	Kipre Tcheche	Azam FC	7
8	Shomari Kapombe	Azam FC	7
9	Atupele Green	Ndanda FC	6
10	John Bocco	Azam FC	6
11	Fully Zully Maganga	Mgambo JKT	5
12	Mohammed Mkopi	T.Prisons	5
13	Paul Nonga	Mwadui FC	5
14	Thaban Kamusoko	Yanga SC	5
15	Didier Kavumbagu	Azam FC	4
16	Edward Christopher	Toto Africans	4
17	Jery Tegete	Mwadui FC	4
18	Miraji Athuman	Toto Africans	4
19	Omary Mponda	Ndanda FC	4
20	Saimon Msuva	Yanga SC	4

Msimamo wa Ligi Kuu Msimu Huu

Rn	Timu	P	W	D	L	F	A	Gd	Pts
1	YANGA	17	12	4	1	38	9	29	40
2	SIMBA SC	17	12	3	2	32	10	22	39
3	Azam FC	15	12	3	0	30	10	20	39
4	MTIBWA SUGAR	17	9	5	3	20	11	9	32
5	MWADUI FC	17	8	4	5	19	15	4	28
6	STAND UNITED	16	9	1	6	17	13	4	28
7	T. PRISONS	16	8	4	4	18	17	1	28
8	TOTO AFRICANS	17	4	6	7	15	21	-6	18
9	MGAMBO SHOOTING	16	4	5	7	14	17	-3	17
10	KAGERA SUGAR	17	4	3	10	9	20	-11	15
11	MBEYA CITY	16	3	5	8	13	21	-8	14
12	NDANDA FC	16	2	7	7	14	18	-4	13
13	Coastal Union	16	2	7	7	11	17	-6	13
14	JKT RUVU	16	3	4	9	16	23	-7	13
15	MAJIMAJI FC	17	3	4	10	10	31	-21	13
16	AFRICAN SPORT	17	3	3	11	5	19	-14	12